Vision y Mision

Vision

 

Nos ta un movemento politico responsivo, responsabel y cu un base amplio, cu ta visualisa un sociedad civil husto, prospero, pacifico, comprometi y apodera, hancra riba igualdad social, un mercado economico vigoroso, politica habri, ekilibrio ecologico y un gobierno honesto y efectivo.

 

Nos ta boga pa un sociedad activo cu por tene esunnan na poder responsabel, un comunidad den cua nos constitucion ta brinda beneficionan palpabel pa tur hende, specialmente pa esunnan cu ta biba den forma marginal y pa crea un sociedad den cua ciudadanonan informa y activo ta soberano.

Mision

 

Nos mision ta: Profundisa democracia mediante fomento di bon gobernacion, gobernacion democratico y husticia social.

 

Construi democracia via activismo, educacion y colaboracion.

 

Opera y mantene un organisacion di comunidad cu ta habri, incluso y accesibel pa tur hende y cu ta alcansa tur rasa, sexo, gruponan minoritario y hubentud.

 

Crea un ambiente social y economico, unda desaroyo sostenibel ta garantisa pa nos futuro generacion.

 

Crea oportunidadnan igual pa tur hende den tur ramo.

 

Den curason di nos movemento politico tin un conviccion fundamental, cu tur ciudadano mester biba den un sociedad imparcial, den cua diferencia di opinion ta acepta y respeta y unda no ta tolera opresion.

Balornan

 

Nos ta kere den responsabilidad, transparencia y eficiencia.

 

Nos ta kere cu fortalecemento di democracia ta supera afiliacion di partido politico.

 

Nos ta kere den fortificacion di nos sistema democratico di multipartido.

 

Nos ta kere den bogamento pa participacion mas amplio den gobernacion y politica.

 

Nos ta kere den fomenta un sociedad civil inclusivo y apodera.

 

Nos ta kere den enfoca riba creacion di conocemento y capacidad.

 

Nos ta kere den uzo responsabel di recursonan financiero y di propiedadnan di sociedad.

 

Nos ta kere den y ta suscribi na e standardnan mas halto di etica den tur nos accionnan.

 

Nos ta kere cu nos mision ta yama pa acercamentonan no-tradicional cu ta relaciona cu e causa fundamental di problemanan di sociedad.

 

Nos ta yama tur bonbini y nos ta opone contra discriminacion basa riba rasa, color, creencia spiritual, sexo, orientacion sexual, edad, habilidad fisico y origen nacional.